Iúil – Nollaig 2026
Is láidre an Eoraip agus sinn ag obair as lámha a chéile agus fad atá a saoránaigh i lár phróiseas na gcinntí.
Am tábhachtach é Uachtaránacht na hÉireann ar Chomhairle an Aontais Eorpaigh, agus baineann deiseanna leis mar aon le freagracht shoiléir chun ionadaíocht a dhéanamh thar ceann na ndaoine sin a thoghann inár bparlaiminteoirí sinn chomh maith lena leas a dhéanamh.
Breathnaigh ar an teachtaireacht fáilte ón Teachta Verona Ní Mhurchú, Ceann Comhairle Dháil Éireann.
Agus dúshláin ag méadú fud fad an domhain, tá an comhar parlaiminteach níos tábhachtaí ná mar a bhí sé riamh.
Is deis atá in Uachtaránacht na hÉireann ar Chomhairle an Aontais Eorpaigh parlaiminteoirí a thabhairt le chéile ó cheann ceann na hEorpa chun tuairimí a roinnt, idirghabháil dhaonlathach a láidriú agus aghaidh a thabhairt ar na saincheisteanna is ábhair imní dúinn.
Féach ar an teachtaireacht fáilte ón Seanadóir Marcus Ó Dálaigh de Sheanad Éireann, agus é ag cur fáilte roimh na toscairí chuig an ngné pharlaiminteach d’Uachtaránacht na hÉireann.
Dhá ról ar leith atá comhlántach, arb ionann iad agus cion a dhéantar trí oibriú as lámha a chéile chun cinnteoireacht AE a mhúnlú, a mhaoirsiú agus a neartú
Stiúrann sé an chaibidlíocht agus cuidíonn sé le tíortha AE dlíthe agus beartais a chomhaontú.
Déanann sí scrúdú ar chinnteoirí, déanann sí díospóireacht fúthu agus tugann sí chun cuntais iad.
Tá ról lárnach ag Tithe an Oireachtais (Parlaimint na hÉireann) le linn na hUachtaránachta, agus cuidíonn siad lena chinntiú go mbeidh cinntí AE soiléir, cothrom agus dírithe ar na daoine.
An fáth a bhfuil tábhacht léi
Cuidíonn sí lena chinntiú go mbeidh cinntí in AE soiléir, cuntasach agus ina léiriú ar thuairimí na saoránach.
Ról ceannaireachta
Leagann sí síos an clár oibre le haghaidh idirphlé idirpharlaiminteach ar fud AE le linn na hUachtaránachta.
Comhdhálacha idirpharlaiminteacha
Óstálann sí cruinnithe in Éirinn ina dtagann parlaiminteoirí ó gach cearn den Eoraip le chéile chun labhairt faoi shaincheisteanna AE tábhachtacha.
Idirphlé idirpharlaiminteach
Oibríonn sí le parlaiminteoirí ó thíortha eile chun smaointe a chomhroinnt agus príomhthosaíochtaí a phlé.
Tá príomhról ag Tithe an Oireachtais in Uachtaránacht na hÉireann ar Chomhairle an Aontais Eorpaigh trí chathaoirleacht a dhéanamh ar a gné pharlaiminteach. Is iad na hionadaithe poiblí tofa atá i gcroílár dhaonlathas na hEorpa agus is iomchuí don Pharlaimint na comhdhálacha idirpharlaiminteacha a óstáil le linn na hUachtaránachta ar an gComhairle agus bunéirim a chur i láthair le haghaidh díospóireacht chuiditheach i measc na rannpháirtithe.
Mar chuid de gach comhdháil idirpharlaiminteach, tabharfar cuireadh do chomhaltaí ón Aontas Eorpach agus ó thíortha Eorpacha eile chuig cruinniú a bheidh á óstáil ag parlaimint na hUachtaránachta.
Le linn na hUachtaránachta, beidh Éire freagrach as obair na Comhairle Eorpaí ar reachtaíocht an AE a bhrú chun cinn agus as leanúnachas chlár oibre an AE agus an chomhair i measc na mballstát a chinntiú.
Stiúrann Rialtas na hÉireann obair thíortha AE le linn na hUachtaránachta.
Cathaoirleacht a dhéanamh ar chruinnithe
Stiúrann sé cruinnithe idir tíortha AE
Príomhthosaíochtaí a leagan síos
Cuidíonn sé leis na saincheisteanna nach mór díriú orthu a chinneadh
Comhaontuithe a chaibidliú
Oibríonn sé le tíortha chun teacht ar chomhaontú coitianta
Dlíthe AE a chomhaontú
Oibríonn sé le Parlaimint na hEorpa chun dlíthe a chomhaontú
Ionadaíocht a dhéanamh don Chomhairle
Labhraíonn sé thar ceann thíortha AE